Web gune honek bere cookiak eta bitartekoenak erabiltzen ditu zure nabigazioa optimizatzeko, zure lehentasunetara egokitzeko eta jarduera analitikoak egiteko. Nabigatzen jarraitu ez gero, gure Cookien Politika onartzen duzu.

Onartu

Praktiketako mugikortasun programa

Eskakizunak eta pausoak

KONTSULTATU WEB ORRIAN INTERESATZEN ZAI(ZKI)DAN PROGRAMARI/EI BURUZ DAGOEN INFORMAZIOA

Erasmus + (Praktikak)
Praktikak enbaxadetan eta kontsulatuetan
Praktikak Kanpo Arazoetako eta Lankidetzako Ministerioaren zerbitzu zentraletan
 

JARRI HARREMANETAN TITULAZIOKO PRAKTIKETAKO ARDURADUN AKADEMIKOAREKIN

Jarri harremanetan titulazioko praktiketako arduradun akademikoarekin, fakultateak halako praktikak egiteko ezartzen dituen eskakizun eta irizpide akademikoen berri izateko.

HOBETU PRAKTIKETAKO HIZKUNTZA-MAILA

KOORDINATZAILE AKADEMIKOAREN ONIRITZIA

Ezinbestekoa da koordinatzaile akademikoaren oniritzia izatea praktiketako mugikortasun programetariko batean parte hartzeko (Erasmus + ikasketak eta Kanpo Arazoetako eta Lankidetzako Ministerioaren ardurapeko praktikak); eta, gainera, koordinatzaile akademikoa bera izango da Nazioarteko Mugikortasuneko bulegoari zure parte hartzearen berri emango diona.

**GARRANTZITSUA: Ez da ikaslearengandik zuzenean datorren eskaerarik onartuko. 

1. ERASMUS + PRAKTIKAK

Programa horretan parte hartzeko, baldintza orokor hauek bete beharko dituzu: 

  • espainiar nazionalitatea izan edo Espainian bizitzeko baimena izan behar duzu mugikortasuna egingo duzun bitartean;
  • Deustuko Unibertsitateko graduko edo graduondoko titulazio ofizial batean matrikulatuta egon behar duzu, bai eskaera aurkeztean eta bai praktikek irauten duten bitartean;
  • harrerako herrialdean praktikak egiteko eskatzen den hizkuntza-maila izan behar duzu. Hizkuntza-maila Europako Erreferentzia Markoko B2 izango da gutxienez, praktikak egingo diren herrialdeko hizkuntzan edo harrerako enpresak/erakundeak eskatzen duena;
  • praktikak ikasketen parte gisa aitortuko zaizkizu;
  • enpresa edo erakunde batek praktikaldi bat egiteko onartu behar zaitu;

ENPRESA EDO PRAKTIKETAKO ZENTROA BILATZEA

Programak ikaslearen parte hartze aktiboa eskatzen du praktiketako egonaldirako enpresa edo erakundea bilatzen. Kontuan izan behar da zer titulazio ikasten ari den, zer hizkuntza dakien eta zer interes pertsonal eta profesional dituen.

Hainbat bide daude praktiketako zentroak bilatzeko:

  • Fakultateak beste erakunde edo enpresa batzuekin izan ditzakeen hitzarmenak
  • Norberak izan ditzakeen ezaupideak
  • Nazioarteko enpresen zerrendak, merkataritza ganberak, Internet, gizarte sareak, etab.
  • Titulazioko praktiketako arduradunari hel dakizkiokeen eskaintzak
  • Koordinatzaile akademikoak ere orientazioa eman diezaioke ikasleari praktiketako zentroa bilatzeko eta, edozelan ere, bera izango da praktiketako zentro egokia zein den berretsiko duena.

Ezin dira harrerako erakunde hauek aukeratu: EBko erakundeak eta EBko bestelako organismoak (kontsultatu zerrenda osoa); EBko programak kudeatzen dituzten erakundeak (interes gatazkak eta/edo diru-laguntza bikoitzak saihesteko), ezta ikaslearen jatorrizko herrialdeko ordezkaritza diplomatiko nazionalak (enbaxadak edo kontsulatuak).

PRAKTIKAK EGITEKO MUGIKORTASUNEKO TOKIA ESLEITUTA EDUKI ONDOREN

Mesedez, kontsultatu atal hauek gure web orrian (IZAPIDEAK atal honetan bertan): Irten aurretik, Mugikortasunean zehar eta Itzultzean.

Atal horretan adierazten diren jarraibideak eta dokumentazioa programa horretan parte hartzen dutenen Erasmus + bekari lotuta daude soil-soilik. Hori da Nazioarteko Harremanetako Bulegotik kudeatzen dugun mugikortasuneko atala. Praktiken alderdi akademikoari lotutako argibideak eta dokumentazioa titulazioko koordinatzaile akademikoak emango dizkizu.

2. KANPO ARAZOETAKO ETA LANKIDETZAKO MINISTERIOKO PRAKTIKAK (ENBAXADAK ETA KONTSULATUAK // ZERBITZU ZENTRALAK //NBEko SEGURTASUN KONTSEILUA

Kontsultatu Kanpo Arazoetako eta Lankidetzako Ministerioak eskaintzen dituen praktiketako hiru modalitateetan deialdirik zabalik dagoen (menu nagusian) eta tokia eskatzeko bertan ageri diren jarraibideak eta epeak bete.

PRAKTIKAK EGITEKO MUGIKORTASUNEKO TOKIA ESLEITUTA EDUKI ONDOREN

Kanpo Arazoetako eta Lankidetzako Ministeriotik toki bat ematen badizute, mesedez, kontsultatu atal hauek gure web orrian (IZAPIDEAK atal honetan bertan): Irten aurretik, Mugikortasunean zehar eta Itzultzean.

Lineako hizkuntza laguntza (OLS) – Erasmus +

2014-2015 ikasturtearen bigarren seihilekotik aurrera, Europako Batzordeak beste tresna bat prestatu du: lineako hizkuntza laguntza (OLS, ingeleseko sigletan). Tresna horren helburua da ikasleen hizkuntza-gaitasunaren hobekuntza aztertzea eta neurtzea, Erasmus + egonaldietan zehar, bai praktiketarako eta bai lanerako.

Tresna hori ezartzearekin, Erasmus + plaza daukaten ikasle guztiek egonaldia egingo duten tokiko hizkuntza-mailako lineako proba bat egingo dute, mugikortasunaren hasieran eta amaieran. Bi probak egitea NAHITAEZKOA da, programaren barruan tokia izan eta kanpora doazen mugikortasuneko ikasle guztientzat.

Gainera, ikasleek lineako borondatezko beste ikastaro bat jasotzeko aukera izango dute, komunikazio-hizkuntzakoa, hizkuntza-gaitasuna hobetzen laguntzeko. Hasierako ebaluazioaren emaitzaren arabera (maila), aukera desberdinak izango dira:

  • Ikastaroa egiteko gomendio sendoa emango zaie, “erdiko behe-maila” dutela ikusiz gero.
  • Lineako ikastaroa egiteko aukera emango zaie interesa dutenei, maila “altua edo oso altua" atera arren.

Argibide gehiagorako, kontsultatu ondorengo dokumentuak, edo OLS-ren web orri ofiziala.

 

Irten aurretik

1. ERASMUS + PRAKTIKAK

BIDALI DEUSTUKO UNIBERTSITATEAK ESKATZEN DUEN DOKUMENTAZIOA NAZIOARTEKO HARREMANETAKO BULEGORA

DUko koordinatzaile akademikoak zure mugikortasuna berretsitakoan, outgoing@deusto.es 

DUko koordinatzaile akademikoak zure mugikortasuna berretsitakoan, outgoing@deusto.es helbidera bidali beharko dituzu dokumentu hauek:

  • NANa eskaneatuta
  • Bankuko libreta (beka sartuko zaizun kontuari dagokiona) eskaneatuta, kontuaren titularra eta IBAN zenbaki osoa barne
  • Harrerako herrialdean osasun estaldura segurtatuta izateko beharrezko izapideak egin (Europako Osasun Txartela eta/edo poliza pribatua) eta eskaneatuta bidali Nazioarteko Harremanetako Bulegora.

ERASMUS + DIRU-LAGUNTZAREN HITZARMENA AURKEZTU

Bidali Erasmus diru-laguntzaren hitzarmena Nazioarteko Harremanetako Bulegora sinatuta, mugikortasuna hasi aurretik. Dokumentu hori Nazioarteko Harremanetako Bulegoak emango dizu eta sinatuta bidali beharko duzu outgoing@deusto.es posta elektronikoko helbidera.

PRAKTIKETAKO AKORDIOA (LEARNING AGREEMENT FOR TRAINEESHIPS)

Praktiketako prestakuntza plana adostu beharko duzu DUko koordinatzaile akademikoarekin eta harrerako erakundeko praktiketako tutorearekin. Plan hori Learning Agreement for Traineeships agirian geratuko da jasota. Agiri hori Nazioarteko Harremanetako Bulegoak emango dizu eta zuk zeuk eta DUko praktiketako arduradunak bete eta sinatu beharko duzue, mugikortasuna hasi aurretik (Before the mobility atala). 

BIDAIAKO XEHETASUNAK ANTOLATU

Bidaiako xehetasunak antolatu: ostatua, txartela erostea edo Erasmus + diru-laguntzako hitzarmenaren barruan harrerako tokian adierazitako epean egotea ziurtatuko dizuten beharrezko beste edozein izapide.

BAJA EMATEA

Azkenean, ezinbestean mugikortasun programan BAJA eman behar baduzu, Nazioarteko Harremanetako Bulegoari eta Deustuko Unibertsitateko koordinatzaile akademikoari jakinarazi beharko diezu lehenbailehen. Horrez gain, praktikak egitekoa zinen enpresa edo erakundeari ere jakinaraztea gomendatzen dizugu.

2. KANPO ARAZOETAKO ETA LANKIDETZAKO MINISTERIOKO PRAKTIKAK (ENBAXADAK ETA KONTSULATUAK // ZERBITZU ZENTRALAK //NBEko SEGURTASUN KONTSEILUA)

Bete Lankidetza Hitzarmenaren eranskina.

Eskatu bisatua Kanpo Arazoetako eta Lankidetzako Ministerioak adierazitako moduan.

Bidaiako xehetasunak antolatu: ostatua, txartela erostea edo harrerako tokian adierazitako epean egotea ziurtatuko dizuten beharrezko beste edozein kudeaketa.

Azkenean, ezinbestean mugikortasun programan BAJA eman behar baduzu, Nazioarteko Harremanetako Bulegoari eta Deustuko Unibertsitateko koordinatzaile akademikoari jakinarazi beharko diezu. Uko egitea formalizatzeko, posta elektronikoko mezu bat bidali beharko diguzu, zure izen-abizenak, NANa eta baja emateko arrazoia adieraziz, helbide honetara: outgoing@deusto.es.

 

Mugikortasunean zehar

1. ERASMUS+ PRAKTIKAK

AURREIKUSITAKO DATETAN JOATEA

Harrerako enpresara, erakundera edo praktikako zentrora aurreikusitako datetan joan eta bertan egon behar da Erasmus + diru-laguntzako hitzarmenak ezarritako egonaldi osoan.

PRAKTIKETAKO AKORDIOA (LEARNING AGREEMENT FOR TRAINEESHIPS)

Enpresara, erakundera edo praktiketako zentrora heltzean, agiri bat sinatzeko eskatu beharko diozu praktiketako arduradunari eta praktiketako akordio osoaren kopia bat eskaneatuta bidali beharko diguzu outgoing@deusto.es helbidera.

Aurretik adostutako prestakuntza planean aldaketaren bat egin behar izanez gero, DUko koordinatzaileari horren berri eman beharko diozu eta berarekin berretsi beharrezko aldaketak. Berretsitakoan, Praktiketako hitzarmenean islatu beharko duzu, During the mobility (mugikortasunean zehar) atalean eta dokumentu osoaren kopia eskaneatu bat bidali beharko diguzu outgoing@deusto.es helbidera.

ERASMUS + PRAKTIKETAKO BEKA ORDAINTZEA

Deustuko Unibertsitateak sartuko dizkizue Europako Hezkuntza Programaren Erakunde Autonomoaren Erasmus bekak. Honela egingo da:

  • Erasmus programa egingo duzuen tokira heldu eta hurrengo 30 egunetan: Europako Hezkuntza Programako Erakunde Autonomoaren laguntzaren % 80.
  • Gainerakoa (% 20 eta/edo doikuntzak): egon zareten tokitik itzuli eta beharrezko dokumentazioa emandakoan.

CERTIFICATE OF ATTENDANCE

Dokumentu horretan agertuko dira zuen egonaldiaren benetako eta behin betiko datak. Praktiketako enpresan, erakundean edo zentroan sinatu beharko dute Erasmus + mugikortasuna amaitzean. Certificate of Attendance dokumentuan agertzen diren datek bat etorri behar dute, ahal dela, bidaiatu aurretik sinatutako diru-laguntzaren hitzarmenean ezarritakoekin.

 

*** Certificate of Attendance dokumentuan sinatutako datak eta diru-laguntzaren hitzarmenekoak desberdinak izateak Erasmus + egonaldiaren iraupena laburragoa izatea ekar dezake. Hori gertatuz gero, gerta daiteke daten aldeari dagokion bekaren zenbatekoa itzuli beharra izatea.

AZKEN TXOSTENA

Lineako galde-sorta bat da, programaren garapenari eta Erasmus + esperientziaren gogobetetasunari buruz. OAPEE, Europako Hezkuntza Programaren Erakunde Autonomotik helduko zaizu zuzenean eta nahitaez bete behar da.

2. KANPO ARAZOETAKO ETA LANKIDETZAKO MINISTERIOKO PRAKTIKAK (ENBAXADAK ETA KONTSULATUAK // ZERBITZU ZENTRALAK // NBEren SEGURTASUN KONTSEILUA

  • Praktiketako zentrora aurreikusitako datetan joan.
  • Jakinarazi Deustuko Unibertsitateko Nazioarteko Harremanetako Bulegoari, posta elektronikoz, praktiketako zentroan hasi zarela.
  • Helmugako zentroan hasten diren momentuan, ikasleek Lankidetza hitzarmenaren eranskinaren 4 kopia sinatu beharko dituzte. Dokumentua sinatutakoan, kopia bat emango zaio
    • ikasleari
    • ordezkaritza bakoitzari
    • unibertsitateari edo hezkuntzako goi zentroari
    • Kanpo Arazoetako eta Lankidetzako Ministerioaren Langileen Zuzendariordetza Nagusiari artxibatzeko

Itzultzean

1. ERAMUS + PRAKTIKAK

Praktiketako egonalditik itzuli eta 15 egunen barruan eta, nolanahi ere, 2015eko irailaren 15a baino lehen, honako agiriak eraman beharko dituzu Nazioarteko Harremanetako Bulegora:

  • Egonaldiaren amaierako ziurtagiria (Certificate of Attendance), jatorrizkoa, harrerako enpresak, erakundeak edo praktiketako zentroak sinatuta eta zigilatuta.
  • Learning Agreement for Traineeships jatorrizkoa, 3 parteek (Deustuko Unibertsitateak, praktiketako zentroak eta ikasleak) sinatuta eta zigilatuta.

Ez da osorik ez dagoen, eskuz zuzendurik edo hutsak dituen dokumenturik onartuko. Dokumentu guztiak izan beharko dira jatorrizkoak (paperean edo eskaneatuta) eta Nazioarteko Harremanetako Bulegoan eman beharko dira.

*** Erasmus + bekaren azken zatia emango da, baldin eta agiri horiek guztiak ondo beteta ematen badira.

GARRANTZITSUA: Ezarritako izapideak ez betetzeak Erasmus + beka itzuli beharra ekar dezake eta/edo aitorpen akademiko gabe geratzea. 

2. KANPO ARAZOETAKO ETA LANKIDETZAKO MINISTERIOKO PRAKTIKAK (ENBAXADAK ETA KONTSULATUAK // ZERBITZU ZENTRALAK // NBEren SEGURTASUN KONTSEILUA)

Ikasleek txosten txiki bat eman beharko dute Nazioarteko Harremanetako Bulegoan azalduz zelakoa izan den praktikak egiteko mugikortasun programako esperientzia.