Indarrean dagoen legeriaren arabera, Oinarrizko Prestakuntzako kredituak nahitaez aitortu behar badira, Deustuko Unibertsitateak aitorpenen aurretiazko txostena prestatuko du eta posta arruntaz bidaliko dizu. Txosten horretan, datorren ikasturterako matrikularen baldintzak zehaztuko dira. Aitorpenak matrikula egin ondoren gauzatuko dira.

Matrikula egin ondoren, irakasgaiak aitortzea eskatu ahal izango duzu, egoera hauetakoren bat aintzat hartuta:

• Lehenagoko maila bereko edo goragoko unibertsitate-ikasketa ofizialak egin badituzu (amaituta eduki edo ez),.
• Lehenagoko maila bereko unibertsitate-ikasketa ez ofizialak egin badituzu (amaituta eduki edo ez).
• Unibertsitateaz kanpoko goi-mailako ikasketak egin badituzu (Goi Mailako Heziketa Zikloa) (Graduetan bakarrik).
• Unibertsitatean beste jarduera batzuk egin badituzu (kultur, kirol, ikasleen ordezkaritza edo elkartasun eta lankidetza jarduerak) (Graduetan bakarrik)
• Lan- edo lanbide-esperientzia baduzu.

Eskaera aurkezteko epea eta tokia:

Graduko ikasketetan:

• Sarrera berriko ikasleek: matrikula egiterakoan
• Matrikula berritzen duten ikasleek:
  irailaren 6tik 9ra
  otsailaren 8tik 17ra (2. seihilekoko irakasgaientzat, kultur, kirol, ikasleen ordezkaritza edo elkartasun eta lankidetza jarduerengatik)

Graduondoko ikasketetan: irailaren 30era arte

Inprimaki eta dokumentazioa

Ondoren, kredituak aitortzeko eskaera egiteko informazio guztia aurkituko duzu.
 

Graduan aitorpenak eskatzeko inprimakia 

Graduondoan aitorpenak eskatzeko inprimakia 

Zein dokumentu aurkeztu behar ditut?

Horretarako, eskabide-orria aurkeztu behar duzu Idazkaritza Orokorrean, behar bezala beteta eta agiri hauek erantsita:

• Lehenago egindako unibertsitate-ikasketak (ofizialak eta ez ofizialak) aintzat hartuta irakasgaiak aitortzeko:
  • Ikasketa-espediente pertsonala; fotokopia konpultsatua (edo fotokopia eta jatorrizkoa, alderatu ahal izateko).
  • Aitorpenaren jatorri izango den irakasgai bakoitzaren programa (gainditu zenuen ikasturtekoa), eskaini zuen Ikastegiak zigilatuta.
• Unibertsitateaz kanpoko goi-mailako ikasketak (Goi Mailako Heziketa Zikloa) aintzat hartuta irakasgaiak aitortzeko:
  • Ikasketa-espediente pertsonala; fotokopia konpultsatua (edo fotokopia eta jatorrizkoa, alderatu ahal izateko).
• Kultur, kirol, ikasleen ordezkaritza, elkartasun eta lankidetza jarduerengatik lortutako kredituak aintzat hartuta irakasgaiak aitortzeko:
  • Jarduera hauetan lortutako kredituen ziurtagiriak
• Lan- edo lanbide-esperientzia aintzat hartuta irakasgaiak aitortzeko:
  • Curriculum vitaea
  • Lan-bizitza
  • Aintzat hartzekoak diren merezimendu guztien egiaztagiriak.