Zer da Ikasketa Aurreratuen Diploma?

Doktoretzako araudian ezarritako irakastaldia eta ikerraldia gainditutakoan (778/1998 E.D.) eta Ikertzeko Gaitasuna lortutakoan, Ikasketa Aurreratuen Ziurtagiri-Diploma eska daiteke.

Ikasketa Aurreratuen Ziurtagiri-Diploma eskatzea

Deustuko Unibertsitatea lanean ari da autozerbitzuko sistema martxan jartzeko, hartara ziurtagirien eskaerak eta tasen ordainketa Internet bidez egin ahal izateko.
Martxan jarri arte, posta arruntez edo aurrez aurre eska dezakezu ziurtagiria Deustuko Unibertsitatean.

Bilboko campusa - Idazkaritza Orokorra
Unibertsitate etorbidea 24
48007 – Bilbao
Tel.: 944 139 003 (Luz.: 2515)
titulos@deusto.es
Astelehenetik ostiralera: 09:00- 13:00
Astearte eta ostegunetan: 9:00 - 13:00 eta 14:30 – 16:00

Donostiako campusa - Idazkaritza Orokorra
Mundaiz, 50
20012 – Donostia
943 326 310
secretaria-general.ss@deusto.es
Astelehenetik ostiralera: 09:00- 13:00
Astearte eta ostegunetan: 9:00 - 13:00 eta 14:30 – 16:00

Eskatzen den dokumentazioa

Jaitsi inprimakia eta instrukzioak

Handik 15 egunera, gutxi gorabehera, posta arruntez jasoko duzu, adierazitako helbidean, titulua eskatu izanaren frogagiria.

Noiz eta zelan jasoko dut Ziurtagiri-Diploma?

Ikasketa Aurreratuen Diploma egiteko, sei hilabete inguru behar izaten dira.

Eskaera zuzen aurkeztu eta 15 egunera, gutxi gorabehera, Ziurtagiri-Diploma eskatu izanaren frogagiria jasoko duzu etxean postaz. Frogagiriak diploma eman arte balioko du.

Nolanahi ere, egiaztagiria prest dagoenean, mezu bat jasoko duzu posta elektronikoz @opendeusto.es helbidean eta eskaera egitean eman zenuen posta kontu pertsonalean. Posta elektronikoko helbidea aldatzen baduzu, gogoratu Idazkaritza Orokorrari jakinarazi behar diozula, datu basea eguneratu dezan eta titulua jasotzeko komunikazioa zuzen jaso dezazun.

Doakionak Unibertsitatera joan ezin badu Ziurtagiri-Diploma jasotzera, hirugarren bati eman diezaioke baimena idatziz (ez da notario-ahalordea izan behar).

Jaitsi baimena emateko inprimakia

Unibertsitatera joan ezin baduzu eta hirugarren bati baimenik eman ezin badiozu, posta arruntez bidaltzea eska dezakezu. Eskaera egiteko inprimakia Ziurtagiria jasotzeko komunikazioarekin batera hartuko duzu. Bete eta Idazkaritza Orokorrera bidali beharko duzu.

Jaitsi posta arruntez bidaltzea eskatzeko inprimakia

GARRANTZITSUA: Tituluak balioa izateko, jasotakoan, doakionak sinatu egin behar du. Ezin zaizkio oharrak, apunteak edo beste erantsi batzuk egin tituluari, balioa galduko bailuke.