Web gune honek bere cookiak eta bitartekoenak erabiltzen ditu zure nabigazioa optimizatzeko, zure lehentasunetara egokitzeko eta jarduera analitikoak egiteko. Nabigatzen jarraitu ez gero, gure Cookien Politika onartzen duzu.

Onartu
2021eko abenduak 03Bilboko Campusa, Donostiako Campusa

Deustuk euskara egunez egun lantzen eta erabiltzen jarraitzeko konpromisoari eutsi dio

Abenduaren 3an, San Frantzisko Xabierkoaren egunean, Deustuko Unibertsitateak Euskararen Nazioarteko Eguna ospatu du, aurten “Euskara lanabes, aro berrirantz. Euskara talde-lana da” lelopean.

Hizkuntza bakoitza altxor handia da, gizaldiz gizaldi eta egunez egun hiztun guztion artean sortu eta berritzen dugun ingeniaritzako artelanik konplexu eta ederrena. Hizkuntzaz bereizi eta izendatzen dugu mundua, hizkuntzaz pentsatu eta sortzen dugu, hizkuntzaz komunikatu eta ulertzen dugu elkar... Hizkuntzaz gara gizaki.

Horregatik, Euskararen Nazioarteko Egunaren esparruan, unibertsitate elkarteak euskararen altxorra aldarrikatu eta bizitzaren esparru guztietan landu eta erabiltzeko konpromisoa berretsi du, baita unibertsitateko bizitzan ere, parte-hartzeko ekintzen ekitaldi egitarau oso bat ospatu du azaroaren 29tik abenduaren 3ra, Bilboko eta Donostiako campusetan.
 

Kontsultatu ekintzen egitaraua

 

03/12/2021 - Deustuk euskara egunez egun lantzen eta erabiltzen jarraitzeko konpromisoari eutsi dio